2.बिरसा आंदोलन (निबंध)

 

 

बिरसा मुंडा दो झारखण्ड रिन मित् आंदोलनकारी तांहेकाना। उनि दो आंगरेजाक् नाहाचार आर गोबोल बिरूध लाड़हाय लेनाय। ओनाते आको जात रिन होड़ दो बिरसा मुंडा के बोंगा लेका को मानोत एया आर " बिरसा भगवान " मेनते को बोंगा आया। उनि दो दिसोम रिन सानाम होड़को " धारती आबा "  मेनते होंको ञुतुमाया। आजा: बलिदान खातिर तेगे उनियाक् ञुतुम नितोक् हों आडी मानोत तेको हातावा। 

बिरसा मुंडावा: जानाम दो 15 नवंबर 1875 ई. सेरमा रे बिहार प्रदेश रेनाक् उलिहातु ञुतुमान आतु रे हुय लेना। ओना जायगा दो नितोक् झारखण्ड पोनोत् रेनाक् खूंटी जिला रे मेना: आ। आच् रिन आपाताक् (बाबा) ञुतुम दो सुगना मुंडा आर ऐंगाताक् (आयो) ञुतुम दो कदमी मुंडा तांहेकाना। आच् रिन आयो-बाबा दो उलिहातु खोन चालकंद आतु किन सेन एना। बिरसा मुंडा तेको दो सांगे बोयहा को तांहेलेना, ओनाते बिरसा मुंडा दो आजाक् मामो ओड़ाक् आयुब हातु रेगे हारा लेनाय। उनियाक् ओल-पाड़हाव दो चाईबासा रेनाक् मितटाड. मिशन इस्कूल रे हुय लेना। ओना मिशन रिन आंगरेज कोवाक् आदिवासी चेतान रे खाराप् बेभार को ञेलते आडी दु:ख ए बुझाव् केत् आ। उनकू मिशनरी दो आदिवासी को लालोच् एम काते आकोवाक ईसाई धोरोम रेको मेसायेत् कोवाको तांहेन। नोवाको ञेलते बिरसा मुंडा दो ओल-पाड़हाव को बागी काते आजा: आतु ओड़ाक् ते हेच् रूवाड़ एनाय। ओंडे गे आडी गान होड़ेको जुमिद् काते, उनकुवाक् बेस बाड़िच् ए बुझाव केत् कोवा। ओंडे गे बिरसा मुंडा दो " धोरोम गुरु " ञुतुम ते नामडाक एना। ओत हासा आर निजेयाक् धोरोम को बाञ्चाव लागित् ब्रिटिश सोरकार आर एसेल होड़को विरोद् रे उलगुलान (आंदोलन ) एहोप् केत् आय। ओना लागित् बिरसा मुंडा दो 1895 ई. रे आंगरेज को साप् केदेया आर बार सेरमा लागित्  हजारीबाग जिहोल रेको दोहो लेदेया।

1897 ई. रे बिरसा मुंडा जिहोल खोन ओडोक् काते आरहों होड़को आंदोलन लागित् जुमिद् केत् कोवाय। बिरसा मुंडा दो मुंडा जात रिन होड़को जुमिद् काते मिशनरी आर एसेल होड़को झारखण्ड खोन लागा एहोप् केआ। ओना लागित् बिरसा मुंडा आर आंगरेज तालारे खूंटी सुर रेनाक् डोम्बारी बुरू रे 9 जनवरी 1900 ई. हिलोक् लाड़हाय हुय एना। ओना लाड़हाय रे बिरसा मुंडा रिन आडी गान होड़ेको बाजाव एना। आडी गान होड़ दो आकोवाक् जिवी बाञ्चाव लागित् डोम्बारी बुरू रेको उकू लेना। बिरसा मुंडा दो आंगरेज खोन बाञ्चाव काते सिंहभूम रेनाक् चक्रधरपुर बिर ते ञिर चालाव एनाय आर दोहड़ा लाड़हाय लागित् होड़को जुमिद् एहोप् केत् आय। मेनखान आच् रिन गाते गे पुयसा रेनाक् लालोच खातिर आंगरेज ठेन को साप् होचो केदेया। बिरसा मुंडा दो रॉंची जिहोल रेको दोहो लेदेया। ओंडे तांहेन जोखोच् गे बिस एम काते को गोच् केदेया। 9 जून 1900 ई. सेरमा रे बिरसा मुंडा दो नोवा धुड़ी धारती खोन चालाव सांगिञ एनाय।

* BIRSA ANDOLAN/MUNDA VIDROH FOR UPSC, JPSC, JSSC CGL, PANCHAYAT SECRETARY, EXCISE CONSTABLE, JTET EXAMS

* SANTALI QUESTIONS PAPER FOR JSSC CGL/BIRSA MUNDA ANDOLA IMPORTANT QUESTIONS 

1. बिरसा मुंडावा: जानाम दो ओकारे हुय लेना ?

* खूंटी जिला रेनाक् उलिहातु रे 

2. बिरसा मुंडावा: जानाम दो तिस हुय लेना ?

* 15 नवंबर 1875 ई. सेरमा रे 

3. बिरसा मुंडा रिन बाबा वाक् ञुतुम दो चेत् तांहेंकाना ?

* सुगना मुंडा 

4. सुगना मुंडा दो ओका रिनिच् बटाईदार तांहेंकाना ?

* उलिहातु रिनिच् 

5. बिरसा मुंडा रिन आयो वाक् ञुतुम दो चेत् तांहेंकाना ?

* कदमी मुंडा

 

6. बिरसा मुंडा रिन आयो-बाबा दो उलिहातु खोन ओका तेको सेन एना ?

* चालकंद आतु (खूंटी जिला)

 

7. बिरसा मुंडा दो ओकारे हारा लेनाय ?

* आजा: मामो ओड़ा: रे 

8. बिरसा मुंडा वाक् ओल-पाड़हाव दो ओका रेनाक् मिशन इस्कूल रे हुय लेना ?

* चाईबासा रेनाक्

 

9. ओकोय दो " धारती आबा " मेनते को ञुतुमाया ?

* बिरसा मुंडा 

 

10. बिरसा मुंडा दो ओकारे " धोरोम गुरू " ञुतुम तेय नामडाक एना ?

* चालकंद आतु रे

11. 1895 ई. सेरमा रे बिरसा मुंडा के साप् काते ओका रेनाक् जिहोल रेको दोहो लेदेया ?

* हजारीबाग

 

12. आंगरेज आर बिरसा मुंडा तालारे ओका बुरू रे लाड़हाय हुय लेना ?

* डोम्बारी बुरू रे

13. आंगरेज आर बिरसा मुंडा तालारे डोम्बारी बुरू रे तिस लाड़हाय हुय लेना ?

* 9 जनवरी 1900 ई. हिलोक् 

14. आंगरेज दो बिरसा मुंडा के चक्रधरपुर रेनाक् बिर खोन साप् काते ओका जिहोल रेको दोहो लेदेया ?

* रॉंची रेनाक् 

 

15.  बिरसा मुंडा दो रॉंची जिहोल रे तिस गोच् एनाय ?

* 9 जून 1900 ई.