Diba Kisum hul important questions for UPSC JPSC JSSC CGL Panchayat Secretary Excise Constable JTET Exams
 
डिबा-किसुन तिकिन दो ब्रिटिश सासोन ओकतो झारखण्ड रिन बारया आंदोलनकारी किन तांहेंकाना। उनकिन दो आंगरेजा: नाहाचार आर कोचलोन को मुचात् लागित् लाड़हाय किन एहोप् लेत् आ। नुड.किना: लाड़हाय ञेल काते गे आडी गान होड़को दिसोम फुरगाल रेनाक् लाड़हाय रेको आड.गो एना। नुकिन विरदारी याक् काथा दो हपड़ाम को आडी रास्का तेको लाया: तांहेन। डिबा-किसुन तिकिन दो गिदरा खोन आड़ी विर आर दाड़ेयान होड़ किन तांहेकाना।

डिबा सोरेना: जानाम दो राजनगर सुर मातकोमबेडा आतु रे 1820 ई. सेरमा रे हुय लेना। नोवा जायगा दो झारखण्ड पोनोत् रेनाक् सरायकेला तोरोप् रे मेना: आ। डिबा सोरेन आच् बाबा वाक् ञुतुम दो देवी सोरेन‌ तांहेंकाना। डिबा सोरेन रिन मितटाड. बोयहा तांहेंकाना आर उनियाक् ञुतुम दो भादव सोरेन तांहेंकाना। किसुन मुर्मू वाक् जानाम दो राजनगर सुर गुमिद आतु रे हुय लेना। उनियाक् मामो ओड़ाक् दो डिबा सोरेन तेको ओड़ाक् रे तांहेकाना। मेनखान डिबा-किसुन तिकिन दो मामो-हातोम होपोन किन तांहेंकाना। नुकिन दो मातकोमबेडा सुर रेनाक् डांडोबुरू रेगे बाड़तीकिन तांहेंकान तांहेत्। ओंडे गे तिरियो - बानाम एमानको किन बाजाव बाड़ाय तांहेन। उनिकिन‌ रिन गुरु वाक् ञुतुम दो रघुनाथ भुंइया तांहेंकाना।

उन जोखोच् पोड़ाहाट तोरोप् रिन राजा दो अभिराम सिंह ए तांहेंकाना। पोड़ाहाट तोरोप् दो आंगरेजा: गोबोल रे चालावेन खान होड़-होपोन चेतान रे आंगरेज कोवाक् नाहाचार आर कोचलोन हों बाड़ती इदियेना। होड ठेन खोन आंगरेज दो जोबोरते आकोवाक् मोने कुसी खाजना को हातावेत् ताहेंना। नोवाको विरोद रेगे डिबा-किसुन तिकिन दो डांडो आतु रे होड़को जारवा किन एहोप् केत् आ। आडी गान होड़को जुमिद् एनखान गे आंगरेजा: सासोन मुचात् लागित् 1847 ई. सेरमा रे हुल किन एहोप् केत् आ, जांहा दो डिबा-किसुन हुल मेनते बोन बाडाया।

नोवा लाड़हाय दो आडी सेरमा धाबिच् हुय लेना। नोवा हुल दाबाव लागित् आंगरज दो डिबा-किसुन तिकिन साप् रेनाक् गोटा केत् आ को। ओनाते आकिनाक् तायोम आंगरेज आर राजा रिन फाद को लागाव केत् कोवा। उनकिन दो डांडोबुरु रे तांहे काते गे लाड़हाय काना किन तांहेन। आंगरेज दो साप् गे बाड.को दाड़ेया: किना। एन खोन आंगरेज दो होड़को उनकिनाक् उकु जायगा लाय लागित् टाका-पुयसा रेनाक् लालोच् को एमा: कोवा। ओना खातिर 1853 ई. सेरमा रे उनकिन दो आंगरेज ठेन किन साप् होचो एना। डिबा-किसुन तिकिन दो सरायकेला जिहोल रेको दोहो लेत् किना आर ओंडे गे को फासी गोच् केत् किना।


* DIBA-KISUN HUL FOR UPSC, JPSC, JSSC CGL, PANCHAYAT SECRETARY, EXCISE CONSTABLE, JTET EXAMS

* SANTALI QUESTIONS PAPER FOR JSSC CGL/DIBA-KISUN HUL IMPORTANT QUESTIONS

 

1. डिबा सोरेना: जानाम दो ओकारे हुयु लेन तांहेन ?

* मातकोमबेडा आतु रे


2. डिबा सोरेना: जानाम दो ओका सेरमा हुयु लेन तांहेन ?

* 1820 ई. सेरमा रे

 
3. डिबा सोरेना: रिन बाबा वाक् ञुतुम दो चेत् तांहेंकाना ?

* देवी सोरेन

 
4. किसुन मुर्मू वाक् जानाम दो ओकारे हुयु लेन तांहेन ?

* गुमिद् आतु रे

 
5. किसुन मुर्मू वाक् मामो ओड़ाक् दो ओकारे तांहेकाना ?

* डिबा सोरेन तेको ओड़ाक् रेगे 


6. डिबा-किसुन तिकिन ताला रेदो ओका लेकान सागाय तांहेंकाना ?

* बोयहा सागाय (मामो-हातोम होपोन)


7. डिबा-किसुन तिकिन रिन गुरू वाक् ञुतुम दो चेत् तांहेंकाना ?

* रघुनाथ भुंइया


8. डिबा-किसुन तिकिन दो गिदरा खोन गे ओकारे बाड़तीकिन तांहेनकान तांहेत् ?

* डांडो बुरू रे 


9. डिबा-किसुन तिकिन दो हुल एहोप् लागित् ओकारे होड़ किन जारवा लेत् कोवा ?

* डांडो आतु रे


10. डिबा-किसुन हुल दो ओका सेरमा एहोप् लेना ?

* 1847 ई. सेरमा रे 


11. डिबा-किसुन दो ओका सेरमा को साप् लेत् किना ?

* 1853 ई. सेरमा 

 
12. डिबा-किसुन दो ओका रेनाक् जिहोल रेको दोहो लेत् किना ?

* सरायकेला जिहोल